2017 წელს საქართველოს კულტურული მემკვიდრეობის დაცვის ეროვნულმა სააგენტომ საქართველოს ისტორიულ ძეგლთა დაცვის და გადარჩენის ფონდთან ერთად კასპის მუნიციპალიტეტში მდებარე სოფელ ხოვლეს "კვართის წმინდა გიორგის" სახელობის ეკლესიისა და კარიბჭე-სამრეკლოს სარეაბილიტაციო სამუშაოები განახორციელა. შესრულებული სამუშაოების შედეგად ეკლესია გაიწმინდა ხე-მცენარეებისაგან, ფასადები გაიწმინდა ცემენტის ნალესობისაგან,მთელს პერიმეტრზე გადაეწყო და გამაგრდა კარნიზქვეშა ქვის წყობა, აღდგა კარ-სარკმლების წირთხლები, სახურავი გადაილესა კირხსნარით და მოეწყო კრამიტის სახურავი, ფასადებზე ქვის ნაკერები ამოიგოზა სპეცკირხსნარით,გადაეწყო ქვის იატაკი კირდუღაბზე, მოხდა სამრეკლოს ოთხივე ფასადზე საპირე წყობის გადაწყობა კირდუღაბის ხსნარზე, ნიჩბისის ქვით მოეწყო ასასვლელი კიბე, მეორე სართულზე მოეწყო ქვის იატაკი, სახურავი გადაილესა კირხსნარით და მოეწყო კრამიტით,დამზადდა და დ ამონტაჟდა ზარი. შემსრულებელი: ა(ა)იპ "ისტორიულ ძეგლთა რეაბილიტაციის ცენტრი"