2017 წელს საქართველოს კულტურული მემკვიდრეობის დაცვის ეროვნული სააგენტოს დაფინანსებით დასრულდა დედოფლისწყაროს მუნიციპალიტეტის წმ. ელია თეზბიტელის სახელობის მამათა მონასტრის ტაძრის მიმდებარედ არსებული შვეული კლდოვანი მასივის დაძრული ლოდებისაგან გაწმენდის სამუშაოები: კერძოდ, მოხდა 1500 კვადრატული მეტრის ფართობის დაზვერვა-შემოწმება,ტაძრის დაცვა-შეფუთვა საბურავებითა და ხის მასალით. ალპინისტების საშუალებით მოიხსნა ცოცხალი ქვების მასა და ჩამოიყარა ქვემოთ.შეძლებისდაგვარად ეს კლდეები გათავისუფლდა მცენარეებისაგან. დღესდღეობით ქვის ვარდნის შეჩერება მოხდა 90%-ით. ელიას მთაზე ქვათაცვენის პროცესი განსაკუთრებით წინა წლის მარტის თვეში გააქტიურდა. მიზეზი ბუნებრივი პირობები და ქანების სპეციფიური შემადგენლობაა. კლდეზე გაჩენილი ნაპრალები საფრთხეს უქმნიდა მე-5 საუკუნის ნატაძრალზე 8 წლის წინ რესტავრირებულ, წმინდა ელია თეზბიტელის სახელობის ეკლესიას, მონასტერსა და ტაძარში მოსულ მომლოცველებს.მონიტორინგის შედეგად გადაწყდა სასწრაფო სამუშაოების ჩატარება,რაც განხორციელდა კიდევაც. შემსრულებელი: შპს "გუჯაბიძე"