საქართველოს კულტურული მემკვიდრეობის დაცვის ეროვნული სააგენტოს ნებართვისა და ფონდი „ქართუ“-ს დაფინანსებით, ქარელის მუნიციპალიტეტის, სოფელ ფცის ბაგრატიონ-დავითაშვილების კოშკის სარეაბილიტაციო სამუშაოები განხორციელდა. რიყის ნარჩევი ქვებით კირ-დუღაბზე აგებულ საფორთიფიკაციო ნაგებობაზე, რომელიც რესტავრაციამდე თითქმის სრულად იყო ჩამოშლილი, შემორჩენილი ფრაგმენტებიც უკიდურესად კრიტიკულ მდგომარეობაში იმყოფებოდა. სარეაბილიტაციო პროცესის მიმდინარეობისას, რომელიც შპს “ბედეკი WESTI”-მ განახორციელა, ჩატარდა შემდეგი სახის სამუშაოები: √ არქიტექტურულ ნაგებობაზე მოხდა გვიანდელი ღიობების ამოშენება ადგილობრივი რიყის ქვით კირის დუღაბზე √ მოხდა ბზარების ინექტირება,მორყეული ქვების გადაწყობა კოშკის ზედა რიგებზე 20% ახალი მასალის დამატებით √ აღდგა I და II გადამხურავი ჩანგრეული კამარა ქართული აგურით √ პირველ სართულზე მოეწყი კირდუღაბის იატაკი,ხოლო მეორე სართულზე-ხის √ მოეწყო მესამე სართულის გადამხურავი გუმბათის წყობა ქართული აგურით კირის დუღაბზე,ასევე მოეწყო ქარგილები,ამავე სართულზე მოიჭიმა კირდურაბის იატაკი √ მოეწყო 4 სალოდე მეორადი ქართული აგურით კირდუღაბზე √ რესტავრირდა ბუხრები და სათოფურები √ მოეწყო მეორე სართულზე ასასვლელი ხის კიბე და აივანი სოფ.ფცის სამსართულიანი, ცილინდრული კოშკი (დმ 10,2 მ) დგას სოფლის ცენტრში, მდ. ფრონეს მარცხენა ნაპირზე. ნაგებია რიყის ქვითა და აგურით. პირველი სართული სამეურნეო დანიშნულებისაა, მეორე – საცხოვრებელი და თავდაცვითია. აქვს ორი სარკმელი, ბუხარი და სათოფურები. კარის თავზე ჯვრის გამოსახულებაა. კოშკს ჰქონია ხის გადახურვა. თარიღდება 1799-1800 წწ.