საქართველოს კულტურული მემკვიდრეობის დაცვის ეროვნული სააგენტოს დაფინანსებით დასრულდა ცაგერის მუნიციპალიტეტში, სოფ.ორხვში, გონის წმინდა გიორგის სახელობის ეკლესიის სარეაბილიტაციო სამუშაოების პირველი ეტაპი. შესრულებული სამუშაოების შედეგად, მოეწყო დროებითი ფარდული და საყოფაცხოვრებო დანიშნულების დროებითი ხის შენობა. ტაძრის ირგვლივ მოეწყო არაინვენტარული ხის ხარაჩოები, წყლის სამარაგე რეზერვუარი. გრუნტში ამოიჭრა ორმო და მოხდა კირის ჩაქრობა და ორმოს შევსება. ინტერიერში მოეწყო სივრცული ძალოვანი ხის ხარაჩო, ასევე ძალოვან ხარაჩოზე მოეწყო კამარის ქარგილი. მოიფიცრა ხის ქარგილები კამარის აღსადგენად. გარდა ამისა გაუთვალისწინებელი სამუშაოების მიხედვით, კამარის დესტრუქტირებული და დაზნექილი ფრაგმენტის დასაშლელად გაიმართა დროებითი ძალოვანი ხარაჩოები, კამარის ამ ფრაგმენტის დასაშლელად შეიქმნა დროებითი ქარგილები, მოხდა აღნიშნული ქარგილების მოფიცვრა და ფიქსირება. შემსრულებელი: შ.პ.ს „ბურკიტექ“-ი