ბავშვთა უფლებების დაცვის საერთაშორისო დღეს საქართველოს კულტურული მემკვიდრეობის დაცვის ეროვნული სააგენტო საგანმანათლებლო პროგრამებით გურიის რეგიონს ეწვევა. ექვთიმე თაყაიშვილის სახელობის გურიის მხარის არქეოლოგიურ მუზეუმ-ნაკრძალში სააგენტოს საგანმანათლებლო სამსახურის სპეციალისტები სასკოლო ასაკის ბავშვებისთვის შემეცნებით გაკვეთილებს - „ფიროსმანი“ და „ძველი ქართული ხელნაწერები“ ჩაატარებენ. მოზარდები გაეცნობიან ნიკო ფიროსმანის ცხოვრებისა და შემოქმედების საინტერესო ეპიზოდებს და დიდი მხატვრის ტექნიკის მიბაძვით თავად შექმნიან ფერწერულ „შედევრებს“. ასევე, მოსწავლეებს უამბობენ თუ როგორ მზადდებოდა და იმკობოდა წიგნები ძველად. მიღებული ცოდნისა და გამოცდილების საფუძველზე კი ბავშვები ხელნაწერი წიგნის მინიატურით გამშვენებული გვერდის ასლს თავად შექმნიან. საგანმანათლებლო პროგრამის ფარგლებში სააგენტოს შემეცნებითი გაკვეთილები 2 განმავლობაში გასტანს და გურიის რეგიონის სამივე მუნიციპალიტეტის რამდენიმე საჯარო სკოლის აღსაზღდელთა ჯგუფს მოიცავს. პროგრამის სატრენინგო კურსი ექვთიმე თაყაიშვილის სახელობის გურიის არქეოლოგიური მუზეუმ-ნაკრძალის თანამშრომლებისთვისაც ჩატარდება, რომლებიც შემეცნებითი გაკვეთილებს სამომავლოდ გურიის სხვა საჯარო სკოლის მოწაფეებსაც შესთავაზებენ