საქართველოს კულტურული მემკვიდრეობის დაცვის ეროვნული სააგენტოს დაფინანსებით 2018 წელს დასრულდა მესტიაში , ლუხუმ ფალიანის კოშკის სარეაბილიტაციო სამუშაეობის პირველი ეტაპი. შესრულებული სამუშაოების შედეგად , მოიხსნა კოშკის გადახურვის ხის კონსტრუქციები, მორყეული საპირე ქვის წყობა და აღდგა ძველი ქვის 50 %ის გამოყენებით. მოეწყო ფარული რკინა-ბეტონის სარტყელი, გადახურვა მრგვალი ხე-მასალით, ყავრის სახურავი, კოშკზე გადასასვლელი ხიდი ხის კონსტრუქციები. მოხდა ქვის კედლების შებათქაშება კირხსნარით. მოეწყო ორ დონეზე სართულშუა გადახურვა, ხის კონსტრუქციებით. ჩამონგრეული ნაწილი შეივსო ქვის წყობით კირის დუღაბზე. აღდგა სამლოცველოს კედლები ქვის წყობით კირ-ცემენტის ხსნარით. სახლი შეილესა კირ-ცემეტის რთული ხსნარით, დამონტაჟდა კოშკზე პირველ სართულზე ასასვლელი საინვენტარიზაციო კიბე. სვანეთის კულტურული მემკვიდრეობის ძეგლების დაცვისა და მოვლა-პატრონობის სტრატეგიული პროექტის ფარგლებში, კულტურული მემკვიდრეობის დაცვის ეროვნული სააგენტო სარეაბილიტაციო სამუშაოებს მესტიის მუნიციპალიტეტის სხვა სოფლებშიც ახორციელებს, სადაც გასული 4 წლის განმავლობაში უკვე აღდგა 80 - მდე სვანური კოშკი და მაჩუბი. არსებული მონაცემებით, სვანეთში შემორჩენილი კულტურული მემკვიდრეობის ძეგლებიდან, გადაუდებელ რეაბილიტაციას 150 – მდე კოშკი და მაჩუბი საჭიროებს. სამუშაოები შეასრულა შპს „თაუერს+“-მა.