კულტურული მემკვიდრეობის დაცვის ეროვნული სააგენტოს ინიციატივით, წალენჯიხის მუნიციპალიტეტში მაცხოვრის ფერიცვალების ტაძარში ,სადაც კედლის მხატვრობის სარესტავრაციო სამუშაოები მიმდინარეობს,რომელშიც სასულიერო აკადემიის პროფესორები და სტუდენტები მონაწილეობენ, დღეს დილით წმინდა ნინოს წარწერებიანი ფრესკა აღმოაჩინეს. სასულიერო აკადემიის ხატწერის, კათედრის გამგე ,პროფესორი მერაბ ბუჩუკურის თქმით ,ეს აღმოჩენა იმით არის მნიშვნელოვანი,რომ ფრესკა XIV საუკუნეში ბიზანტიელი ხატმწერის კირ მანუელ ევგენიკოს მიერ 1384-96 წლებში არის მოხატული. წმინდა ნინოს ფრესკები საქართველოს ტაძრებში XII-XIII საუკუნეებამდე არ გვხვდება ,ასევე პროფესორის თქმით წმინდა დედები არსად არ არიან გამოსახული წიგნით ხელში ,ხოლო წმინდა ნინო წიგნითაა რაც იმას ნიშნავს რომ ქართველთა განმანათლებელია, ნათლად ადასტურებს ასომთავრულით შემორჩენილი წარწერაც „წმინდა ნინო“. მაცხოვრის ფერიცვალების ტაძარში საკონსერვაციო სამუშაოების პირველი ეტაპი რამოდენიმე დღის წინ დასრულდა.ექვთიმე თაყაიშვილის კვლევის მიხედვით წალენჯიხის ეკლესია აგებულია X-XI საუკუნეებში ხოლო ეკლესიისთვის გარშემორტყმული შტოები შემოუვლია ვამეყ I დადიანს.(1384-96).მარი ბროსეს მიხედვით კი მთელი ეკლესია ვამეყ I ის მიერ არის აგებული და სწორედ მისი ბრძანებით კონსტანტინეპოლიდან მოსულ მანუელ ევგენიკოსს მოუხატავს. მაცხოვრის ფერიცვალების ტაძარი გამორჩეულია თავისი მოხატულობით დასავლეთ კედელზე გამოსახულია „ჯვარცმა“ აღმოსავლეთ კედელზე „ჯოჯოხეთის წარმოსტყვევნა“, ხოლო ჩრდილოეთ კედელზე „მენელსაცხებლე დედანი მაცხოვრის საფლავზე“. ტაძრის პილიასტრზე გამოსახულია მედალიონები წმინდანების გამოსახულებით. ჩრდილოეთ კედლის ქვედა რეგისტრზე გამოსახულია „თომას ურწმუნობა“. აღმოსავლეთ კედელზე მოხატულობა ძალზედ დაზიანებულია, ტაძრის ჩრდილოეთ ნაწილში სილუეტურად ჩანს „ლაზარეს აღდგინება“.