საქართველოს კულტურული მემკვიდრეობის დაცვის ეროვნული სააგენტოსა და ხელოვნების ნიმუშთა კონსერვაციის ცენტრის თანამშრომლობის საფუძველზე 2018 წლის აპრილში ქ. თბილისის, მეტეხის ღვთისმშობლის ტაძრის (დასავლეთი ფასადი) ქვის კონსერვაციის სამუშაოების შუალედური ანგარიში იქნა წარმოდგენილი. სამუშაოები მიზნად ისახავს დასავლეთის ფასადის,დაზიანებული ქვების კონსერვაციას,გაფხვიერებული და განშრევებული ზედაპირების კონსოლიდაციას, წინა პერიოდის ამორტიზირებული სარესტავრაციო ჩარევების მექანიკურ მოხსნას და ნაკლული ადგილების რეკონსტრუქციას. პროექტს ხელმძღვნელობს პროფ.ნანა კუპრაშვილი, სამუშაო პროცესში ჩართულები არიან რესტავრატორ-კონსერვატორები და სტუდენტები თბილისის სამხატვრო აკადემიიდან, რომლებიც პრაქტიკას გადიან უშუალოდ ქვის კონსერვაციის დისციპლინაში. დღესდღეისობით ტაძრის ტაძრის დასავლეთის ფასადზე შეინიშნება შემდეგი ტიპის დაზიანებები: ქვის ზედაპირის აქერცვლა, ქვის განშრევება, ქვის გაფხვიერება, ქვის ზედაპირის სახეცვლა. 2018 წლის ხელშეკრულების თანახმად მიმდინარეობს შემდეგი საკონსერვაციო სამუშაოები: -ქვის ზედაპირის კონსოლიდაცია-წინა პერიოდის სარესტავრაციო ჩარევების მექანიკური მოცილება. -ქვის ნაკლული ადგილების რეკონსტრუქცია კირხსნარით. -ქვის წყობას შორის არსებული ნაკერების ინექტირება. პროექტის ხელმძღვანელი: ნანა კუპრაშვილი ,სტეფანო ვოლტა სარესტავრაციო ჯგუფის ხელმძღვანელი: ალექსანდრე რუბაშვილი  სარესტავრაციო ჯგუფი: სალომე ახალაშვილი, ნუცა ადეიშვილი , საბა ციკოლია, მარიამ ამაშუკელი, ირაკლი ბერიძე,ელენე თორღვაიძე, ალექსანდრე თოდუა,ნინო ზედგენიძე,ელენე ონაშვილი